Эрүүл Мэндийн Даатгалын Ерөнхий Газар /ЭМДЕГ/-аас эрүүл мэндийн даатгалын шимтгэлийн 2025 оны хувь хэмжээг танилцууллаа. Эрүүл мэндийн даатгалын /ЭМД/ шимтгэлийн хувь хэмжээг тухайн жилийн хөдөлмөрийн хөлсний доод хэмжээтэй уялдуулан шинэчлэн баталдаг.  2025 онд иргэд хөдөлмөрийн хөлсний доод хэмжээний хоёр хувиар тооцож төлөхөд 1, 2, 3 дугаар сард нийт 39600 төгрөг, 4-12 сард нийт 142,560 төгрөг төлнө. Учир нь хөдөлмөрийн хөлсний доод хэмжээ ирэх дөрөвдүгээр сараас 792000 төгрөг болж нэмэгдснээр, ЭМД-ын шимтгэлийн сард төлөх хэмжээ 15840 төгрөг болж нэмэгдэх юм. Өөрөөр хэлбэл, 2025 онд даатгуулагч 182,160 төгрөгөөр эрүүл мэндээ даатгуулна.