МБШИС- ийн Гандан Мамба эмнэлгийн УАУ-ны эмч А.Дамбаренчин зөвлөж "Ханиад томуунаас сэргийлэх, эмчлэх уламжлалт арга"-ын талаар зөвлөлөө. Тэрбээр, өвлийн улиралд хүйтэн сэрүүний нөлөөгөөр ханиад томуу дэлгэрч, хүний биеийн дархлаа сулардаг. Тиймээс өөрсдийгөө болон ойр дотнын хүмүүсээ хамгаалахын тулд тодорхой арга хэмжээ авах нь чухал" гэж тодотголоо. 

Тиймээс,  

• Дулаан хувцаслаж, хүйтнээс өөрийгөө хамгаалах

• Доороосоо дулаалах, хөл, нуруугаа дааруулахгүй байлгах

• Ажил, амралт, нойр, хоол хүнсээ зөв зохицуулах нь чухал гэлээ. 

Мөн энэ жилийн ханиадны онцлог нь удаан явцтай, бүрэн эдгэрэх хугацаа удаашралтай байгаа тул хүн бүр дархлаагаа дэмжих шаардлагатай. Үүний тулд уламжлалт анагаах ухааны эртнээс хэрэглэж ирсэн Норов-7 тан маш тохиромжтой байна.

Норов-7 тангийн ач тус:

• Ханиадны явцыг хурдасгаж, биеийг түргэн эдгээх

• Цус шингэлэх үйлчилгээтэй

• Дархлаа сайжруулж, биеийн эсэргүүцлийг нэмэгдүүлэх

• Олон төрлийн өвчнийг хураах, биеийг ерөнхийд нь тэнцвэржүүлэх

Хэрэглэх заавар:

Өглөө, оройд хоёр удаа буцалгаж, шүүгээд бүлээнээр ууна.

Эрүүл хүн ч ууж байх ёстой:

Өвөг дээдэс, маарамбууд маань “Норов-7 танг улирлын чанартайгаар уувал ханиад томуу тусахгүй” гэж захидаг байжээ. Тиймээс зөвхөн өвчилсөн үед бус, урьдчилан сэргийлэх зорилгоор ч ууж хэвшээрэй гэлээ.