Нийтийн сүлжээнд “Би гэртээ байхаас айж байна. Дүү нараа аваад гадаа гарвал битүү утаа, гэртээ тоглосныхоо төлөө доод айлын эгчид өдрийн 11:00 цагт зодууллаа. Үнэхээр гомдож байна” гэх утга бүхий бичлэг, зургийг нэгэн иргэн нийтэлсэн. Нийтлэлийн мөрөөр уг асуудлыг Баянгол дүүргийн цагдаагийн газрын хоёрдугаар хэлтэст шалгаж эхэлсэн. Улмаар хөршийнхөө хүүхдийг үймүүллээ гэж гар хүрсэн эмэгтэйг Цагдаагийн байгууллагаас торгох саналтай шүүхэд шилжүүлж шийдвэрлэлээ.