Өмгөөлөгч Г.Батбаяр агсны охин Б.Ариунзаяа өөрийн нүүр номдоо "Гэртээ дүү нартайгаа байж байхад ахин дайрах гэж оролдоо. Аав дээр ингэж гүйцэтгэх ажиллагаа явуулсан. Юу хайгаад байгаа юм бэ? Дүүгийн зүрх савлаад түргэн дуудах шаардлагатай байна. Хаалга онгойлгохгүй. Та нар гэрт ирж нотлох баримт тавьчихаад хэрэг үүсгэж байгаад алчихдаг. Аавыг тэгсэн" гэх тайлбартай цагдаа нарын орон сууцны гадаа олноороо буй бичлэгийг нийтэлсэн. Харин удалгүй цагдаагийн байгууллагаас "2025.02.03-ны 20 цагийн орчимд “Манай охин өөрийгөө шилээр зүсээд амиа хорлох гээд байна” гэх дуудлага, мэдээлэл бүртгэгдсэн. Бүртгэгдсэн дуудлага, мэдээллийн дагуу шалгалтын ажиллагаа явуулахад Хан-Уул дүүргийн 19 дүгээр хороонд байрлах хотхоны … тоотод оршин суугч нь хаалгаа тайлж өгөхгүй, шалгуулахгүй гэх нөхцөл байдалтай байсан. Цагдаагийн байгууллагаас асуудлыг нэг мөр тодруулах, учирч болох эрсдэлээс урьдчилан сэргийлэх үүднээс шалгалтын ажиллагааг үргэлжлүүлэх явцад тухайн хотхоны .... дугаар бүхий орон сууцнаас бичлэг хийж, олон нийтэд түгээсэн байна" гэх мэдээллийг өгсөн.