МИАТ ТӨХК нь “Хөх Сувд - 2025” мөсний баярыг тохиолдуулан Мөрөн чиглэлийн нислэгийн тийзэндээ хямдрал зарлажээ. Тодруулбал, энэ сарын 4-28-ны хооронд нэг талдаа 193.050 төгрөг, хоёр талдаа 381,150 төгрөг болжээ. Өвлийн аялал аялал жуулчлалын хамгийн том эвент “Хөх сувд-2025” олон улсын мөсний баяр энэ сарын 13-нд Хөвсгөл аймгийн Хатгал тосгоны Хүй толгойн урд Хайчийн аманд эхэлнэ.

Өвлийн аялал жуулчлалыг хөгжүүлэх зорилгоор жил бүр зохион байгуулдаг “Хаан их сарьдаг, Хатан далай ээждээ” хүндэтгэл илэрхийлэх “Хөх сувд-2025” олон улсын мөсний баярыг 24 дэх жилдээ зохион байгуулж, 10 хоногийн турш үргэлжилнэ. Уг нь энэ баярыг жил бүрийн гуравдугаар сарын эхний долоо хоногт зохион байгуулдаг ч энэ жил сар шинийн баяртай холбогдуулан хугацааг 14 хоногоор урагшлуулсан байна.