Чингэлтэй дүүргийн хэмжээнд ЕБС-ийн сурагчдыг усан бассейны сургалтад хамруулах бэлтгэл ажил үргэлжилж байна.

Сургалт Чингэлтэй дүүргийн Биеийн тамир, спорт хорооны бассейнд болно.

Энэ сарын 17-ноос эхлээд дүүргийн сурагчдыг усан спортын сургалтад өдрийн 4 ээлжээр, нэг ээлжинд 25 хүүхдийг хамруулна.

Аюулгүй байдлыг хангах зорилгоор нэмэлтээр ажиллах багш нарын сургалтыг хийнэ.

Мөн эрүүл мэндийн шинжилгээг дүүргийн нэгдсэн эмнэлэгт зохион байгуулна гэж Чингэлтэй дүүргийн Засаг дарга Н.Мандуул мэдэгдлээ.