Маргаашаас эхлэн нийтийн тээврийн үйлчилгээний шинэ тариф мөрдөгдөж эхлэх болсон талаар Нийтийн тээврийн бодлогын газраас мэдээлэл өглөө. Тодруулбал, иргэд 1000 төгрөг төлж өдөрт дөрвөн удаа зорчихдоо зөвхөн U-Money болон арилжааны банкны хамтарсан карт уншуулсан тохиолдолд дамжин суулт хүчинтэй. Харин бэлэн мөнгөөр болон зөвхөн банкны зориулалттай картаар зорчиж байгаа бол дамжин суулт үйлчлэхгүй бөгөөд суух бүрдээ 1000 төгрөг төлнө гэв.