Цахим донтолт гэдэг нь интернэт эсвэл дэлгэцийг хэрэглэх ёстой хэмжээнээс хэтрүүлэн хэрэглэх өөрийгөө хянаж чадахгүйгээр түүнээс хамааралтай болдог сэтгэцийн эмгэг юм. Цахим донтолт нь нойргүйдэл, сэтгэл түгшилт, сэтгэл гутрал, өсвөр үеийнхний амиа хорлолттой шууд хамааралтай аль нэгийгээ нөхцөлдүүлж бий болдог гэж олон судалгаанууд баталсан байдаг. Тиймээс та бүхэнд цахим хэрэглээг бууруулах, хүүхдийнхээ дэлгэцийн хэрэглээг хэрхэн зохицуулах талаарх зөвлөмжийг хүргэж байна.

Хугацааны хязгаар тогтоох

• Гэр бүлийн гишүүд дэлгэц ашиглах тодорхой цагийн хуваарьтай болох. Жишээ нь 1-2 цаг

• Цахим төхөөрөмж ашиглах хугацааг хичээл дасгал унтах цагаас өмнө хязгаарлах

Эцэг эхчүүд хүүхдэдээ үлгэрлэх

• Та өөрөө гар утсаа ашиглах хязгаарыг сахиж хүүхдэд үлгэр дуурайлал үзүүлэх

• Чөлөөт цагаа хүүхэдтэйгээ өнгөрөөж, хамтдаа гар утасгүйгээр хөгжилдөх

Гэр бүлийн дүрэм бий болгох

• Цахим төхөөрөмж ашиглах цагийн хуваарь болон дүрмийг гэр бүлийн бүх гишүүдэд ижил мөрдөж хэрэгжүүлэх

Боловсролын ач холбогдолтой контент сонгох

• Хэрэв хүүхэд ухаалаг утас ашиглах шаардлагатай бол боловсролын контентыг түлхүү үзэхийг дэмжих

Шагнал урамшууллын системийг ашиглах

• Гар утаснаас татгалзаж чадсан цаг хугацаанд урамшуулах

• Эерэг үйлдлийг магтаж, дэмжих нь хүүхдийг гар утаснаас бага хамааралтай байхад тусалдаг

Эх сурвалж: Улсын Гуравдугаар Төв Эмнэлэг