Эрүүл мэндийн яамны Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан П.Батчулуунд холбогдох эрүүгийн хэргийг нэгдүгээр сарын 20-ны өдөр Баянгол, Хан-Уул, Сонгинохайрхан дүүргийн эрүүгийн хэргийн тойргийн анхан шатны шүүх хэлэлцэж, түүнд 2.6 жилийн хорих ял оноосон билээ. 

Түүнийг салбарын сайдаас эхлээд эрүүл мэндийн салбарынхан ихээхэн өмгөөлж, шүүх энэ шийдвэрээ эргэж нэг хараач гэсэн хөдөлгөөн өрнөөд буй. Түүнийг УИХ-ын Ж.Чинбүрэн, С.Эрдэнэболд нар хорих ангид эргэж очсон байна. Мөн түүний бие нь муудаж УГТЭ-т хүргэгдсэн гэв. П.Батчулууныг эмчийг мэргэжил нэгт нөхөд нь өөрийн биеэ үл хайрлаж энэ салбарын төлөө зүтгэсэн хэмээн бичиж буй бөгөөд энэ удаад зүрхэндээ 7 удаа стэнд тавиулсан гэх мэдээлэл гараад байна.