Шингэрүүлсэн хий тээвэрлэж явсан “Дашваанжил” ХХК-ийн хүнд даацын автомашины жолооч, “Патрол” маркийн автомашины жолооч нар зам тээврийн осол гаргаснаар, Дүнжингаравын замын уулзварт дэлбэрэлт болсон. Ослын улмаас явган болон автомашинаар зорчиж явсан 7 хүн нас барж, 207 дугаар байр дэлбэрэлтэд өртсөн. Нийслэлийн прокурорын газраас 2024 онд шийдвэрлэгдсэн хэргүүдийн талаар мэдээлэл өгөх үеэр "Дэлбэрэлтийн хэрэгт мөрдөн шалгах ажиллагаанд 8 төрлийн 98 шинжээчийн дүгнэлт гарсан. Техникийн шинжээчийн дүгнэлтээр “Патрол” маркийн автомашины буруутай үйл ажиллагаа байхгүй байсан. Харин “Дашваанжил” ХХК-ийн хөдөлмөрийн аюулгүй ажиллагаатай холбоотой уг осол гарсан гэж үзэн шүүхэд шилжүүлсэн" гэлээ.