Монгол Улсын засгийн газраас 2023-2028 оныг “Монголд зочлох жил” болгон зарлаж, дөрвөн улирлын аялал жуулчлалыг хөгжүүлэх зорилт тавин тусгайлсан бодлого арга хэмжээг хэрэгжүүлж байна. 
Энэ хүрээнд “Монгол Улсад 2025 онд зохион байгуулах аялал жуулчлалын арга хэмжээний нэгдсэн цаглавар”-ыг  Засгийн газрын 2025 оны хуралдааны 2 дугаар тэмдэглэлээр баталгаажуулж, “Мөсөн сийлбэр” Олон улсын тэмцээн, “Мазаалай олон улсын цас мөсний наадам”, “Нүүдэлчин өвлийн фестиваль” зэрэг үндэсний эвентүүдийг 01 дүгээр сарын 23-наас 02 дугаар сарын 23-ны өдөр хүртэл хугацаанд гурван үе шаттайгаар зохион байгуулахаар төлөвлөн ажиллаж байна.
 Эхний үе шат болох 1 дүгээр сарын 23-ний өдөр "Мазаалай-2025" Олон Улсын Мөсөн сийлбэрийн уралдаан эхэлж байна. 
Уралдаанд АНУ, ОХУ, БНХАУ, БНСУ, БНЧУ, БНПУ, Малайз, Мексик, Якут улсуудаас 14 урлаачид оролцож, дотоодын 6 багийн 28 уран бүтээлчид сийлбэрээ урлаж байна.