АНУ-ын Ерөнхийлөгч Дональд Трамптай уулзах хүсэлтэй байгаагаа ОХУ-ын Ерөнхийлөгч Владимир Путин дахин илэрхийлжээ.

В.Путин баасан гарагт Оросын төрийн мэдлийн телевизэд ярилцлага өгөх үеэрээ хэлэхдээ, Д.Трамптай уулзаж АНУ болон ОХУ-ын харилцан сонирхож буй бүх асуудлаар тайван яриа хэлэлцээ өрнүүлэх хэрэгтэй гэсэн байна. Мөн тэрбээр АНУ-ын одоогийн Ерөнхийлөгчтэй бид үргэлж ажил хэрэгч, прагматик, итгэлтэй харилцаатай байсаар ирсэн гэж хэлжээ.

Оросын төрийн тэргүүн мөн 2020 оны АНУ-ын ерөнхийлөгчийн сонгуулийн талаар дурдсан байна. Хэрэв Д.Трамп ерөнхийлөгч байсан бол 2022 онд Украинд үүссэн хямралаас зайлсхийх боломжтой байсан гэдэгтэй би санал нийлэхгүй байна гэж В.Путин ярьжээ.

Пүрэв гарагт Д.Трамп В.Путинтэй аль болох ойрын хугацаанд уулзах хүсэлтэй байгаагаа илэрхийлээд, Украины дайныг даруй дуусгах хэрэгтэй байгааг онцлон тэмдэглэсэн байна.