БНСУ-ын буцалтгүй тусламжаар нийслэлийн Налайх дүүрэгт хаагдсан уурхайг нөхөн сэргээх төслийг эхлүүллээ.

Тодруулбал, “Нүүрсний хаагдсан уурхай орчмын тогтвортой хөгжлийн орчныг бүрдүүлж, ногоон үйлдвэрлэлийн инновацын орчныг бий болгох” төслийн удирдах хороо хуралдаж, 5 жилийн хугацаанд хийх ажлаа ярилцжээ. Тухалбайл, нүүрсний уурхайгаас үүдэлтэй, хаагдсан арваад газрын хөрсний бохирдлыг багасгах, хөрсний суулт хотойлтыг нөхөн сэргээж, иргэдийн аюулгүй байдлыг хангах, ногоон үйлдвэрлэл- цэцэрлэгт хүрээлэн байгуулж, ухаалаг хүлэмж, мод үржүүлгийг багтаасан ой, хөдөө аж ахуй хосолсон байгууламж барих, БНСУ-ын уул уурхайн нөхөн сэргээлтийн туршлагыг нутагшуулж, мэргэжилтэн бэлтгэх аж.