Сургуулийн өмнөх болон бага боловсролын сургалтын хөтөлбөрийн шинэчлэлтийн хүрээнд сурах бичгийг шинээр боловсруулж байгаа талаар Боловсролын Судалгааны Үндэсний Хүрээлэн (БСҮХ)-гээс танилцууллаа. 

Тодруулбал, бага ангийн сурагчдад зориулсан шинэ сурах бичиг нь гарын авлага, дасгалын ажлын дэвтэртэй байна. Гарын авлагыг ангидаа ашиглаж, онолын мэдлэгт түлхүү суралцана. Харин дасгал ажлын дэвтэрийг ангидаа ажиллахаас гадна гэрийн даалгавраа хийх юм. Үр дүнд нь цүнхний жин буурч, гэрийн даалгавар багасна. Учир нь сурагч зөвхөн дасгал ажлын дэвтрээсээ даалгавраа хийх юм. Түүнчлэн "Хүн ба байгаль", "Хүн ба нийгэм", "Иргэний ёс зүйн боловсрол" хичээлийг нэгтгэж, 1- 2 дугаар ангид "Би монгол хүн" нэртэйгээр орох бол 3-5 дугаар ангид "Миний эх орон" нэртэй хичээл болж оруулахаар агуулгын тохирц нийцлийг шалгаж байгаа аж. 

 

Дэлгэрэнгүй мэдээллийг: https://www.facebook.com/MinistryofEdu/videos/1176185240878094.