АНУ-ын Калифорни мужид нэгдүгээр сарын 7-ноос эхлэн түймэр дэгдэж, Лос-Анжелес руу орсон. Тус хотын түүхэнд хамгийн их хохиролтой түймэр өнөөдөр ч үргэлжилсээр байна. Түймрийн улмаас 28 хүн амиа алдаж, олон иргэний эд хөрөнгө сүйдэж буй. Олон улс, орнууд түймрийн аюулд өртсөн ард иргэдэд туслах хандивыг эхлүүлсэн. Үүнд манай улсын "Монгол Хаан" жүжгийн хамт олон нэгдэж, нэг азарга адуу болон нэг өдрийн цалингаа хандивлажээ. Хандивыг АНУ-аас Монгол Улсад суугаа Элчин сайд Ричард Буанган хүлээн авч, талархал илэрхийлсэн байна.