Өмгөөлөгч Г.Батбаяр агсны охин Б.Ариунзаяаг бусдын биед хохирол учруулсан гэх хэрэгт холбогдуулан яллагдагчаар татаж, мөрдөн шалгах ажиллагааг явуулж байгаа талаар цагдаагийн байгууллагаас мэдээллээ. Тэрбээр шалгалтын явцад оргон зайлсан тул эрэн сурвалжилж, өчигдөр /2025.01.22/ олж тогтоожээ. Улмаар мэдүүлэг авах, дуудан ирүүлэх хуудас гардуулах зорилгоор Сүхбаатар дүүргийн цагдаагийн нэгдүгээр хэлтэст авчирсан байна. Ингэхдээ тогтоосон хугацаанд өөрийн өмгөөлөгчтэй мэдүүлэг өгөхөөр болж цагдаагийн хэлтсээс явсан талаар Цагдаагийн Ерөнхий Газрын Хэвлэл Мэдээллийн Төвөөс мэдээллээ.

Тайлбарлахад Б.Ариунзаяа шалгагдаж байхдаа хилээр гарсан гэх үндэслэлээр эрэн сурвалжлагдаж байсан бөгөөд өчигдөр цагдаагийн алба хаагч замын хөдөлгөөнд оролцож явахад нь зогсоо СБДЦХ-т хүргэн, 19:20-19:50 минутын хооронд тогтоол танилцуулж, дуудах хуудсыг хүлээлгэн өгч 19.50 минутад явуулсан байна.

Хэргийг сануулахад, тэрбээр МУИС-ийн төгсөх ангийн оюутан байхдлаа бусдын толгой дээр кофе асгаж танхайрсан хэрэгт холбогдсон байсан. Үүний дараа мөн ZU баарны үүдэнд архи согтууруулах ундаа хэрэглэсэн үедээ шалтгаангүйгээр А-гэх эмэгтэйг зодож гудамж талбайд танхайрсан гэдэг.