“И-Монгол академи” УТҮГ-ын хөгжүүлж буй E-Mongolia системд одоогийн байдлаар 88 байгууллагын 1264 үйлчилгээ орсон. Үүнээс зарим үйлчилгээг иргэдийн хувьд огт мэдэхгүй, авдаггүй үйлчилгээнүүд судалгааны үндсэн дээр гарсан учраас цаашид энэ тал дээр түлхүү анхаарч тухайн үйлчилгээг үзүүлдэг төрийн болон төрийн бус байгууллагуудтай хамтын ажиллагааг бэхжүүлэх уулзалтыг шат дараатай зохион байгуулж эхэллээ.

Байгаль орчин, уур амьсгалын өөрчлөлтийн яамны нийт 98 үйлчилгээ E-Mongolia системд байх хэдий ч үүнээс 40 гаруй үйлчилгээ ашиглагдахгүй байгаа юм. Энэ талаар БОУАӨЯ-ны Хүрээлэн буй орчны бодлогын хэрэгжилтийн газрын дарга Г.Энхмөнх, “И-Монгол академи” УТҮГ-ын захирал Б.Мягмарнаран, Сургалт олон нийттэй харилцах газрын дарга Н.Төрбат холбогдох албаны удирдлага болон албан хаагчид оролцож, шийдэл олох, цаашид илүү уялдаа холбоотой байж үр дүнтэй ажиллах талаар уулзалтыг өнөөдөр /2025.01.21/ зохион байгууллаа.

 Уулзалтын үеэр БОУАӨЯ-ны зүгээс системд нэвтэрсэн үйлчилгээний ачаалал, саад бэрхшээл болоод системийн сайжруулалттай холбоотой санал дүгнэлтээ өгч цаашид иргэдэд хэрэгцээ шаардлагатай бүхий л үйлчилгээг судлан хүртээмжтэй болгох талаар ярилцлаа. Цаашдаа хамтын ажиллагааг бэхжүүлэх уулзалтыг шат дараатайгаар хийж иргэдэд илүү хүртээмжтэй, хялбар байдлыг нэмэгдүүлэх болно гэдгийг “И-Монгол академи” УТҮГ-ын захирал Б.Мягмарнаран онцоллоо.