Монгол бөхийн өргөөнд болж байгаа чөлөөт бөхийн насанд хүрэгчдийн эрэгтэйчүүдийн 62, эмэгтэйчүүдийн 27 дахь улсын аварга шалгаруулах тэмцээний  эмэгтэйчүүдийн 53 кг-ын жинд Дорноговь аймгийн Сайхандулаан сумын харьяат, чөлөөт бөхийн олон улсын хэмжээны мастер Ч.Отгонтуяа  түрүүлж Монгол Улсын аварга боллоо.

Тэрбээр аваргын төлөөх барилдаанд Ц.Намуунцэцэгийг ялсан юм. Ч.Отгонтуяа өнгөрсөн онд Йордан Улсын Амман хотод болсон чөлөөт бөхийн U 23 хүртэлх насны Азийн аварга шалгаруулах тэмцээний 53 кг-ын жинд барилдаж Азийн аварга болж байв.

Ч.Отгонтуяа улсын аварга шалгаруулах тэмцээнд ийнхүү хоёр дахь удаагаа түрүүллээ. Мөн энэ онд болох тив, дэлхийн тэмцээнд оролцох боломжоо хангаж байна. 



Эх сурвалж: "Монцамэ" агентлаг