Реппер Rookie буюу У.Мөнхбагана 30 хоног баривчлагдаад суллагдсныхаа дараа уучлал хүссэн утгатай "Болдоггүй" гэх шинэ дуугаа цацжээ.

Уг дуунд,  

"Цадиггүй залуу насыг минь чи тэвчиж хайрласан

Өвдөлт шаналал, нулимс бүрийг чи дотогшоо залгисан

Хоронд орж хүний үгэнд орж бүгдийг би нураасан

Тэр бүгдийг үнэнч хайраар чи буцаасан" хэмээн өгүүлжээ. 

Хэргийг сануулахад, тэрбээр өнгөрсөн оны 12 дугаар сарын 19-ний шөнө 02 цагийн орчимд дуучин Rookie цахим орчинд архи согтууруулах ундааны зүйл хэрэглэсэн байдалтай тээврийн хэрэгсэл жолоодож "Намайг хамгийн түрүүнд барьсан цагдаа нарт бүх хөрөнгөө өгье гэх” утгатай бичлэгийг нийтэлсний дагуу шалгалтын ажиллагааг шуурхай явуулсан. Улмаар иргэн М-н согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчилд Чингэлтэй дүүргийн Эрүүгийн хэргийн анхан шатны шүүхээс 30 хоногийн хугацаагаар баривчлах шийтгэл оногдуулж шийдвэрлэсэн билээ.