Эмийн үнийн өсөлтийг хянан шалгах түр хороо мэдээлэл хийлээ.

Энэ үеэр УИХ-ын гишүүн, Хянан шалгах түр хорооны гишүүн М.Оюунчимэг: Хянан шалгах түр хорооны зарим шинжээчид эмийн салбарын асуудал нүүрсний хэргээс ч илүү ноцтой гэж ярьж байна. Энэ салбарт төрийн яам, агентлаг, цаашлаад шийдвэр гаргах түвшинд улс төрийн холбоо хамаарлыг харахад маш ноцтой түвшинд хүрчихсэн.

УИХ-аар орж ирж байгаа хуулийг хүртэл босго давуулахгүй байх, эсвэл агентлаг байгуулахтай холбоотой чухал заалтыг хасаад хаячихсан байх жишээтэй зүйлүүд ч байна. Энэ зах зээлд 500-700 тэрбум төгрөг эргэлддэг хэр нь ЭМД-ын санхүүжилт хувийн аптекуудын эзэд, эм импортлогч компаниудыг л тэтгээд байгаа нь нотлох баримтаар харагдаж байгаа.