Монгол Улсад хилээр орж ирэх автомашины тоо жил бүр өндөр өсөлттэй гарч байгаа. Гаалийн дүн мэдээнээс харахад суудлын автомашины импорт өнгөрсөн жилийн мөн үеэс хоёр дахин өсчээ.

Тодруулбал, Авто тээврийн үндэсний төвийн мэдээллээр 2024 оны аравдугаар сарын 1-ний байдлаар зөвхөн нийслэлийн хэмжээнд импортоор орж ирсэн тээврийн хэрэгсэл нийт 128.655 байна. Үүнээс суудлын автомашин 91.357, ачааны автомашин 14.194, автобус 2017, тусгай зориулалтын автомашин 1229 импортоор орж иржээ. Цистерн, зүтгүүр, механизм, чиргүүл, мотоцикл зэрэг бусад тээврийн хэрэгслийн төрлүүд нийт 19.858 импортлогдсон байна.