П.Энхманлай 15.97 секундын амжилт үзүүллээ

2021-09-01,   1903

"Токио 2020" паралимпийн наадам өнөөдөр найм дахь өдрөө үргэлжилж байна. Монгол Улсын баг тамирчдаас өнөөдөр олон улсын хэмжээний мастер П.Энхманлай Т53 ангиллын 100 метрийн уралдаан, Д.Саруултөгс зээрэнцэг шидэлтийн төрөлд оролцлоо.

Өгөө 10.00 цагаас эхэлсэн F-53 ангиллын 100 м-ийн гүйлтийн П.Энхманлай урьдчилсан уралдааны хоёрдугаар гараанд гарч 15.97 секундын үзүүлэлттэй уралдаж, улсын дээд амжилтыг шинэчлэн тогтоожээ. Энэ гараанд Тайландын Пайо Пангсакорн 14.30 секунд гүйж, паралимпын дээд амжилт тогтоосон байна. ӨАБНУ-ын Абдулрахман Алкураши 14.52, Францын Фэйрбэнк Пьер 15.09 амжилтаар дараагийн шатанд шалгарчээ.

Харин Д.Саруултөгс нурууны гэмтэл нь сэдэрсний улмаас тэмцээндээ оролцож чадсангүй. Манай тамирчин энэ сарын 4-нд бөөрөнцөг түлхэлтийн F-40 ангилалд өрсөлдөнө. Тэр болтол гэмтэл эдгэх эсэх нь тодорхойгүй байна.  

Паралимпын хөнгөн атлетикийн төрлийн тэмцээнүүд Японы Үндэсний цэнгэлдэх хүрээлэнд болж байна.


П.Энхманлай 15.97 секундын амжилт үзүүллээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.