Хан Со Хи.

Жүжигчин Хан Со Хигийн /Han Seo Hee/ ээж охиноо насанд хүрээгүй байхад нээлгэсэн дансыг ашиглан хүнээс их хэмжээний мөнгө авчээ. Мөнгөний хэмжээ нь 85 сая вон буюу 69 800 ам.доллар гэнэ. Хохирогч энэ мөнгийг Хан Со Хигийн нэр дээрх данс руу шилжүүлсэн гэнэ.

Хэрэг олон нийтэд ил болсны дараа Хан Со Хигийн харьяалагддаг “9ATO Entertainment” агентлагаас мэдэгдэл гаргаж, жүжигчин бүсгүй энэ хэрэгт ямар ч холбоогүй бөгөөд ээж нь охиныхоо нэр, хэн болохыг ичгүүргүйгээр хэд хэдэн удаа үйлдсэн болохыг тайлбарлажээ.

Мэдэгдэлд “Сайн уу, “9ATO Entertainment” байна.

Хан Со Хигийн ээжтэй холбоотой мэдээлэлтэй холбоотой байр сууриа олон нийтэд хүргэхийг хүсч байна.

Хан Со Хигийн ээж, хатагтай Шин мөнгө зээлэхдээ Хан Со Хигийн нэр дээрх дансыг ашигладаг байжээ. Хатагтай Шин охиноо насанд хүрээгүй байхад нь банкинд данс нээлгэж, түүгээрээ жүжигчин бүсгүйд мэдэгдэлгүй мөнгө зээлсэн байна.

Өөр хэд хэдэн хэрэг бий. Шин хатагтай хувийн бичиг баримтыг хуурамчаар үйлдсэн тохиолдол хүртэл гарч байсан. Эдгээр хэргүүдтэй холбогдуулан иргэний хэргийн анхан шатны шүүх хурал болсон бөгөөд шүүх эдгээр хэргийг Хан Со Хи-д мэдэгдэлгүйгээр үйлдсэн болохыг тогтоосон” гэжээ.