Д.Лхагва "Гэм зэм" жүжгийн гол дүрийг бүтээнэ

Улаанбаатар хот дахь Оросын шинжлэх ухаан, соёлын төв (РЦНК) дэргэдээ Монголын уран бүтээлчидтэй хамтран “Орфей” театр байгуулж, анхны уран бүтээлээ туурвиж бэайна. Монголын тайзнаа Ф.М.Достоевскийн бүтээлээс анх удаа амилуулахаар бэлтгэж буй театрын уран бүтээлчид их зохиолчийн “Гэм зэм” романаас сэдэвлэсэн жүжгээр хөшгөө нээнэ. Сэтгэл зүйн төрлийн жүжгийн гол дүрийг хэн бүтээх нь олны анхаарлыг татаж байгаа юм. Найруулагч  М.Батболд "Гэм зэм" жүжгийнхээ гол дүрийн жүжигчнээр СТА, жүжигчин Д.Лхагвыг сонгожээ.

Шинэ жүжгийг  Ф.М.Достоевскийн мэндэлсний 200 жилийн ой буюу ирэх арваннэгдүгээр сарын 11-нээс олны хүртээл болгохоор төлөвлөж байна.

“Guys” хамтлагаар уран бүтээлийн гараагаа эхэлж, өдгөө LVA энтертайнмент байгуулан “Амьдрал төсөл”, “Дурлалын гэмт хэрэг”, “Фэйсбүүк од”, “Мухар гудамж”, “1990” зэрэг уран бүтээлийг үзэгчдэд хүргэснээр нь Д.Лхагвыг үзэгчид андахгүй.

ОХУ-ын Театр урлагийн академийг драмын найруулагч мэргэжлээр дүүргэсэн М.Батболд өмнө нь Монголын театрын тайзнаа шинэ салхи оруулж И.В.Гётегийн "Фауст" романаар пост драмын жүжиг тавьж байсан билээ.


Д.Лхагва "Гэм зэм" жүжгийн гол дүрийг бүтээнэ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ