Өмнөд Солонгосын хип хоп, R&B чиглэлийн LNGSHOT хамтлаг Монголд анх удаа ирж, 2026 оны зургаадугаар сарын 20-нд зохион байгуулагдах Super Concert 2026 тоглолтод оролцохоор болсон талаар зохион байгуулагчид мэдээллээ.

Тоглолт Улаанбаатар хотын Төв цэнгэлдэх хүрээлэнд болох бөгөөд дэлхийн хэмжээний артистуудыг нэг дор цуглуулах зорилготой байна. Мөн уг тоглолтын эхний headliner-аар Өмнөд Солонгосын алдарт дуучин, реппер Jay Park оролцох нь батлагдсан бөгөөд LNGSHOT нь дараагийн том уран бүтээлчээр зарлагдаад байна.

LNGSHOT нь Jay Park-ийн үүсгэн байгуулсан More Vision студийн анхны бойбэнд бөгөөд 2025 онд байгуулагдсан, дөрвөн гишүүнтэй бөгөөд Ohyul, Ryul, Woojin, Louis нараас бүрдэнэ.

Тэд уламжлалт idol хэв маягаас илүү гудамжны өнгө аястай, хип-хоп суурьтай уран бүтээлээрээ ялгарч, богино хугацаанд олон улсын фенүүдийн анхаарлыг татаж эхэлжээ.

Тэд дебютын хүрээнд анхны мини альбом “Shot Callers”-оо гаргасан бөгөөд уг цомгийн гол дуу нь “Moonwalkin’” юм. Альбомд рэп, R&B, поп хэв маягийг хослуулсан уран бүтээлүүд багтсан нь хамтлагийн өнгө төрхийг тодорхойлж буйг гадаадын хэвлэлүүд онцолжээ.

LNGSHOT нь дебютээсээ өмнө микстэйп болон тайзны хамтарсан үзүүлбэрүүдээрээ олон нийтийн анхаарлыг татаад байсан бөгөөд Jay Park-ийн удирдлага дор гарч буй анхны эрэгтэй хамтлаг гэдгээрээ K-pop салбарт онцгой хүлээлт үүсгээд байгаа юм.

Түүнчлэн More Vision компани LNGSHOT-ыг зөвхөн дотоодын зах зээлд бус, олон улсад чиглүүлэн хөгжүүлэх стратеги баримталж байгаа бөгөөд англи хэл дээрх контент, олон улсын тайзнаа гаргах оролдлогоо эрчимжүүлж байгаа аж.

Хамтлагийн гишүүдийн тухайд: 

Ohyul (오율) - Ахлагч

• Бүтэн нэр: Kwon Oh Yul
• Төрсөн: 2006.01.21
• Үүрэг: лидер, гол вокал, бүжигчин
• Өндөр: ~182 см
• Хамтлагийн хамгийн ахмад гишүүн
• Дуу бичих, продакшнд оролцдог
• Тайван, тогтвортой зан чанараараа багийг “тогтоож барьдаг” лидер гэж үнэлэгддэг. 

Ryul (률) – гол рэппер

• Бүтэн нэр: Kim Ryul
• Төрсөн: 2006.09.18
• Үүрэг: main rapper, вокал
• Өндөр: ~180 см
• Хамтлагийн “energy” хэсгийг авч явдаг
• Хип-хоп өнгө аясыг хамгийн хүчтэй илэрхийлдэг гишүүн
• Хөгжмийн академид суралцаж байсан

Woojin (우진) – продюсер, бүжигчин

• Бүтэн нэр: Jung Woo Jin
• Төрсөн: 2008.03.08
• Үүрэг: composer, main dancer, рэппер
• Өндөр: ~178 см
• Хамтлагийн хөгжмийн гол “тархи”
• Дуу зохиох, бичихэд идэвхтэй оролцдог
• Тайван, төвлөрсөн зан чанартай

Louis (루이) - гол дуучин, хамгийн бага гишүүн

• Бүтэн нэр: Louis Elliot Jourdain Lim
• Төрсөн: 2010.05.01
• Үүрэг: main vocalist, maknae
• Өндөр: ~186 см
• Хамгийн залуу гишүүн (макнэ)
• Англи хэлтэй, олон улсын өнгө аяс хүчтэй
• Франц сургуульд сурч байсан

Тус тоглолтын lineup цаашид нэмэгдэх бөгөөд зохион байгуулагчид “дараагийн гэнэтийн уран бүтээлчид” зарлагдана гэж мэдэгдсэн байна.