Монголын түүхэн өв соёлыг сэргээн таниулах зорилготой үзэсгэлэнгийн байгууламж түр хугацаанд баригдана. Тус байгууламж нь түр хугацаанд  буюу дөрөвдүгээр сарын 15-наас долдугаар сарын 20-ныг хүртэл УДЭТ-ын талбайд байрлах бөгөөд үзэсгэлэн дууссаны дараа бүрэн буулгагдаж, орчны ногоон байгууламжийг анхны төлөвт нь сэргээхээр төлөвлөгджээ. Төслийг санаачлагч байгууллагаар “Юнител” групп, гүйцэтгэгчээр “Даларав” ХХК ажиллаж байгаа бөгөөд үзэсгэлэн нь байгальд ээлтэй шийдэлтэй, түр байгууламжийн онцлогийг шингээснээрээ онцлогтой аж.