HBO сувгийн хит бүтээл болох Euphoria цувралын 3-р бүлгийн албан ёсны нээлт АНУ-ын Лос Анжелес хотод болж, улаан хивсний ёслол олны анхаарлыг татлаа. Тус арга хэмжээнд гол дүрийн жүжигчин Zendaya оролцож, хэвлэл мэдээллийн гол сэдэв болов.

Шинэ бүлэг нь 2026 оны дөрөвдүгээр сарын 12-ноос HBO болон Max платформоор цацагдаж эхлэх бөгөөд өмнөх бүлгээс хойш дөрвөн жилийн дараа үзэгчдэд хүрч буйгаараа онцлог юм. Энэ удаад үйл явдал таван жилийн дараах цаг хугацаанд өрнөж, дүрүүд ахлах сургуулиа төгссөн, насанд хүрсэн амьдралтай нүүр тулж буйгаар дүрслэгдсэн байна.

Шүүмжлэгчдийн зүгээс шинэ бүлгийн өнгө аяс илүү бараан, насанд хүрэгчдийн сэдэв давамгайлсан гэж дүгнэж байгаа ч зарим нь өмнөх амжилтыг давж чадах эсэхэд эргэлзэж эхэлжээ. Мөн нээлтийн үеэр жүжигчдийн хоорондын харилцаатай холбоотой цуурхал олон нийтийн сүлжээнд тархаад байна.

Ийнхүү дэлхий даяар шуугиан тарьсан “Euphoria” цуврал шинэ бүлгээрээ үзэгчдийн хүлээлтийг дахин сорихоор эргэн ирээд байна.