Америкийн реалити шоуны од Ким Кардашьян болон Формула-1-ийн долоон удаагийн дэлхийн аварга Льюис Хэмилтон нарын харилцааны тухай мэдээлэл гадаадын шар хэвлэлүүдээр цацагдаж эхэллээ.

Тэднийг сүүлийн үед хэд хэдэн удаа хамтдаа олны өмнө харагдсан нь болзож эхэлсэн гэх таамгийг улам хүчтэй болгож байна. Хамгийн сүүлд АНУ-д болсон Super Bowl-ын тоглолтын үеэр тэд нэг л суудлын хэсэгт хамт байж, чөлөөтэй ярилцан сууж байсан нь папараццийн дуранд өртжээ.

Мөн эх сурвалжуудын мэдээлснээр хосууд Европт хамт аялсан бөгөөд өмнө нь найзын харилцаатай байсан ч сүүлийн саруудад илүү дотно болсон гэх мэдээлэл байна.

Гэсэн хэдий ч Ким Кардашьян болон Льюис Хэмилтон нар харилцааныхаа талаар албан ёсоор мэдэгдэл хийгээгүй байгаа юм. Одоогоор тэдний холбоог “романтик шинжтэй харилцаа эхэлж байж болзошгүй” хэмээн хэвлэлүүд онцолж байна.

Тодруулбал, энэ нь баттай зарлагдсан хосын харилцаа бус, харин хамтдаа олны өмнө харагдсан үйл явдлуудад үндэслэсэн мэдээлэл юм.