Алдарт BLACKPINK хамтлагийн гишүүн Лиса  Netflix-ийн бүрэн хэмжээний уран сайхны кинонд анх удаа тоглохоор боллоо.

Өчигдөр /2026.02.05/ Netflix Лисаг “Notting Hill”-ээс сэдэвлэсэн романтик инээдмийн шинэ уран сайхны кинонд гол дүрээр тоглоно гэдгийг албан ёсоор зарлалаа. Тус киноны зохиолыг “Booksmart”, “Set It Up” кинонуудын зохиолч Кэти Силберман бичиж байна.

Лиса өмнө нь HBO-ийн алдарт “The White Lotus” цувралын 3-р бүлэгт тоглож, дэлгэцийн дебютээ хийсэн ч энэ удаагийн Netflix-ийн кино нь түүний анхны бүрэн хэмжээний киноны гол дүр болох юм.