Алдарт жүжигчин Кристен Стюарт АНУ-ын кино урлагийг орхиж, Европ руу шилжих бодолтой байгаагаа олон улсын хэвлэлд ярьжээ. Тэрбээр ярилцлагадаа “АНУ-д кино урлагаа чөлөөтэй үргэлжлүүлэх боломж хязгаарлагдмал болж байна” хэмээн онцолсон байна.

Стюартын хувьд анхны найруулагчийн бүтээл The Chronology of Water-г Латви улсад бүтээсэн нь Америкт хийх боломжгүй байсан гэжээ. Мөн тэрбээр АНУ-ын Ерөнхийлөгч Дональд Трампын зарим бодлого, тэр дундаа кино үйлдвэрлэлийн салбарт үзүүлж буй татвар болон зохицуулалтын нөлөө нь өөрийн уран бүтээлийн замд саад болж байгаа талаар дурдсан байна. Мөн Трамп АНУ-аас бусад улсад бүтээсэн кинонд 100 хувийн тариф тогтооно гэж заналхийлсэн. Энэ заналхийлэл нь кино салбарт байж боломгүй зүйл дурджээ.

Гэсэн хэдий ч Кристен Стюартын хувьд “АНУ-ыг бүрмөсөн орхиж байна” гэсэн албан ёсны шийдвэр гараагүй бөгөөд энэ нь ирээдүйн уран бүтээлийн байр суурь, улс төрийн нөхцөл байдлаас шалтгаалсан хувийн бодол гэж үзэж байна.