Алдарт BLACKPINK хамтлаг 2025 онд гаргасан "Jump" дуугаараа Америкийн Дуу бичлэг үйлдвэрлэлийн холбооноос (RIAA) "Алт" (Gold) гэрчилгээ хүртлээ.

RIAA-аас "Jump" дуу нь 12 дугаар сарын 11-ний байдлаар 500,000 нэгж борлуулалтад хүрч, алтан гэрчилгээ авах болзол хангасан" гэжээ. 

“1 нэгж=150 удаа сонсох”

• Алт (Gold): 500,000 нэгж
• Платинум (Platinum): 1 сая нэгж
• Олон платинум (Multi-Platinum): 2 саяас дээш нэгж
• Даймонд (Diamond): 10 сая нэгж

Тус холбоо нь борлуулалтын хэмжээнээс хамаарч дараах шатлалаар батламж олгодог. Эдгээр нэгжийг тооцохдоо цомог болон дууны биет борлуулалт, дижитал татан авалт, мөн аудио болон видео стриминг үзүүлэлтийг нэгтгэдэг байна.

"Jump" дуу нь зөвхөн АНУ-д бус, дэлхий даяар өндөр амжилт үзүүлж байгаа юм. Тухайлбал, Канад болон Франц улсад "Платинум", харин Австрали, Бельги, Шинэ Зеланд улсуудад "Алт" гэрчилгээ тус тус хүртээд байна.