Зууны манлай эстрадын дуучин, МУГЖ Батмөнхийн Сарантуяа дуучны 40 жилийн ойн баярын тоглолтоо ирэх зургаадугаар сард Төв цэнгэлдэхэд хийнэ. 

Өдгөө 56 насыг зооглож буй эрхэм дуучин "Сайхан өдрийн мэндийг эрхэм найзууд ,сонсогч та бүхэндээ дэвшүүлье. Тэртээх 1986 оноос дуу дуулах хүсэлдээ хөтлөгдөн урлагийн замналаа эхлүүлсэн 16 настай Сараа нь өдгөө эстрад рок попын тайзнаа 40 жилтэйгээ золгох гэж байнаа. 1996 онд Соёлын Төв Өргөө “ -ний тайзнаа “Хайрын бурхан 10 жил”, 2016 онд "Corporate convention Hall- д 30 жилийн ойн тоглолтоо рок попын хамт олон, гэр бүл дотны найз нөхөд, мэргэжлийн урлагийн байгуулагууд, фен олон түмэн сонсогчтойгоо баяр хөөр цог жавхлантайгаар тэмдэглэж байсан торгон мөчүүд саяхан мэт …

Олон сайхан урлагийн бурхан тэнгэрүүд маань тэр үеээс хойш тэнгэрт олноороо биднийгээ орхин хальсан ч та бүгдийгээ дурсан санан, хамт эхлүүлсэн урлагийн эх үйлсдээ үнэнч, тууштай хэвээр байна гэдэгтээ Сараа дүү нь итгэлтэй байна. Миний хувьд … “ Амьдрал намайг дуунд уяраажээ”…

2026 оны 06 -р сарын 6 ны өдөр Улаанбаатар хотын Төв Цэнгэлдэхэд Урлагийн тайзнаа тасралтгүй 40 жил дуулсыхаа ойн баяраа сонсогч фен , олон түмэнтэйгээ хуваалцахаар “ Амьдрал намайг дуунд уяраажээ” Зууны манлай Батмөнхийн Сарантуяа Урлагт 40 жил тоглолтоо хийхээр боллоо . 40 жилийн ойн тоглолтоороо 40 дуу дуулж, урьд өмнө үзэгч та бүхэндээ урьд өмнө үзэж, сонсож байгаагүй Сарааг үзүүлэхийг хичээнэ, эрмэлзнээ. 2026 оны 06 р сарын 6 нд оройн 6 цагаас Төв Цэнгэлдэхэд уулзацгаая" хэмээн урилгаа түгээлээ.