Өмнөд Солонгосын “NCT Wish” хамтлаг дебютээсээ хойш анх удаагаа гадаадад аялах олон төрлийн шоу хийхээр шийджээ. Тэдний анхны аяллын нэвтрүүлэг “On the Map” Mnet Plus сувгаар албан ёсоор промогоо танилцуулсан байна.

Нэвтрүүлгийн энэ удаагийн дугаарт хамтлагийн Xion, Riku, Yuushi, Jaehee, Ryo, Sakuya нар гадаад оронд аялж, шинэ сорилтуудыг даван туулж, газрын зургийг гүйцээх адал явдлыг үзэгчдэд үзүүлэх юм. Шоу зургаан долоо хоногийн турш, долоо хоног бүр нэг ангигаар Mnet Plus болон Mnet сувгаар цацагдах аж.

Аяллын эхний цэг нь Монгол байх бөгөөд нэвтрүүлгийн эхний анги энэ сарын 20-нд Mnet Plus сувгаар нээлтээ хийж, Mnet Channel сувгаар үзэгчдийн хүртээл болох юм.