Өмнөд Солонгосын жүжигчин, к‑поп дуучин Нанагийн гэрт (Im Jin‑ah) өчигдөр /2025.11.16/ 30 орчим насны эрэгтэй зэвсэглэн халджээ. Тухайн үед Нана ээжтэйгээ хамт байсан бөгөөд  халдагчийг дарж цагдаад өгсөн байна.Эсэргүүцэл тэмцлийн үеэр Нанагийн ээж түр хугацаанд ухаан алдсан тул сүүлд эмнэлгийн тусламж үзүүлсэн гэж Ёнхап агентлаг мэдээлсэн байна.

Нана 2009 онд охидын “After School” хамтлагийн гишүүнээр олны танил болсон бөгөөд хамтлаг тарсны дараа жүжигчний хувиар уран бүтээлээ үргэлжлүүлжээ. Тэрбээр 2019 онд цацагдсан “Kill It”, “Justice” зэрэг телевизийн цувралуудад амжилттай дүр бүтээсэн бөгөөд өнгөрсөн есдүгээр сард анхны ганцаарчилсан цомгоо зах зээлд гаргасан байдаг.