Өмнөд Солонгосын жүжигчин Hwang Jung-eum-ийг 4.3 тэрбум вон (ойролцоогоор 3.1 сая ам.доллар)-ыг өөрийн агентлагаас завшсан хэрэгт буруутган, прокурор гурван жилийн хорих ял оноохыг шүүхэд шаарджээ.

Hwang Jung Eum 2022 оны нэгдүгээр сараас арванхоёрдугаар сар хүртэлх хугацаанд өөрийн эзэмшдэг Hunminjeongeum энтертайнмент компанийн данснаас нийт 4.34 тэрбум воны хөрөнгийг хувийн зорилгоор ашигласан нь тогтоогдсон байна. Үүнээс 700 сая воныг түр зээл нэрээр авч, үлдсэн 4.2 тэрбум воныг криптовалютын хөрөнгө оруулалтад зарцуулжээ. Криптовалют гэдэг нь зөвхөн цахим хэлбэрээр байдаг, ямар нэгэн цаасан мөнгө эсвэл зоос шиг бодитоор байдаггүй зүйл юм. Ерөнхийдөө bitcoin л гэсэн үг.

Сөүл хотын прокурорын газраас мэдээлснээр түүнийг “Тодорхой эдийн засгийн гэмт хэрэгт онц хэт шийтгэл оноох тухай хууль”-ийн дагуу буруутгаж байгаа аж. Хэргийг 2025 оны наймдугаар сарын 21-нд болсон шүүх хуралдаанаар хэлэлцсэн бөгөөд Хван Жон Ым буруугаа хүлээн зөвшөөрч, энэ оны тавдугаар сарын 30 болон зургаадугаар сарын 5-нд уг мөнгийг бүрэн буцаан төлсөн байна. 

Шүүхийн эцсийн шийдвэрийг ирэх 2025 оны есдүгээр сарын 25-нд гаргахаар товложээ.

Hwang Jung-eum нь “She Was Pretty”, “Kill Me, Heal Me” зэрэг олон хит кино, телевизийн бүтээлээр үзэгчдэд танигдсан жүжигчин юм.