Реппер В.Тулгат юүтүб дээрээ "Маргааштай" нэртэй цацсаны дараагаар хүмүүсийн анхаарлын төвд ороод буй. Түүний хувьд АНУ-ын Лос Анжелос хотод ажиллаж, амьдардаг бөгөөд Rokit Bay, Gee-тэй хамтарсан “Микрофоны ард” дуу болон Rokit Bay-тэй хамтран "Маргаашгүй" хэмээх кинонд тоглосноор нь хүмүүс таних биз ээ.

"Маргааштай" нэртэй дуун дээр “Rokit Bay луйварчин сайн уу. Намайг яагаад ингээд байгааг таа даа. Өөдөө шидсэн чулуу өөр дээр унадаг. Үнэн бүхнээ эргэн сөхөж дуулна аа" гэсэн байсан ба гол утга санаа нь Rokitbay-г "Маргаашгүй" киног Монголд гаргасан ашгаа Тулгатад хүртээлгүй "завшсан" гэж боддогоо илэрхийлжээ. 

Rokit Bay-ийн хувьд Америкт сурч байхдаа “Маргаашгүй” хэмээх кино хийж байсан бөгөөд В.Тулгатын амьдралаас сэдэвлэж, түүний туулсан хүнд хэцүү бүхнийг харуулсан билээ.

Харин түүний хариуд Rokit Bay: Хэрүүл уруул сошиалаар хийх хогийн юм аа. Гэхдээ гүтгүүлээд дуугай байж чадахгүй төрлийн хүн болохоор одоо яалтай. Тулгат над руу чиглэсэн юмнууд хэд хоног хийлээ. Би өөрөөс нь энэ юу вэ гээд гайхаад мессежээр асуулаа, хариу өгсөнгүй. Харамсалтай, маш олон жил буруу бодол тээж явсан байна даа Тулгатаа. Маркетинг болгож хүн гүтгэхээсээ өмнө фактаа аа сайн шалгахгүй дээ.

Маргаашгүйг чинь манай үеэл бид 2, хоёулхнаа зүтгэж өөрсдийнхөө цаг мөнгөөр оюутан байхдаа хийсэн "кино". Сургалтын төлбөр, өдөр тутмын хоолоо ч төлөхөд хэцүү байсан үе.Би аянуудыг нь дуунуудтай нь бүгдийг нь зохиож, скрийнплей-г нт бичээд тоглосон. Үеэл бид 2 нэг нь камераа бариад, нөгөөх нь жүжиглээд л.

Монголд гаргана гээд манай үеэл авч очоод жижиг кино театрт гаргасан, гаргаад 3 хонож байхад гахайн ханиад гэж гараад киног нь буулгачихсан гэсэн (check the date). Би кино гаргах болон санхүү талыг нь огт хариуцаагүй, нарийн ширийн юмыг нь ч сайн мэдэхгүй, америкт ажлаа хийгээд сургуульдаа сураад явж байхдаа ийм л юм сонссон. Товчоор бол энэ киноноос нэг ч төгрөг аваагүй энэ бол факт шүү. Мэдэх холбогдох хүмүүсээс нь лавлаж асуугаарай. Чиний туулсан түүхийг харин хүмүүс мэдэж урам зориг авсан байхаа. Дараагийн удаа эргэлзээтэй юм байвал тэр хүнтэй нь, тухайн үед нь сайхан яриад асуучхаж байгаарай дотроо параноиа-тай явахаар. Ер нь урдхаа хийгээд чимээгүй явж болохгүй юм шиг байна. Хүмүүст худлаа бодол суулгаад байх бололтой. Өөрийгөө хамгаалж эхэлье даа энэ чин одоо” гэжээ.