Алдарт BLACKPINK хамтлагийн гишүүн Rosé-гийн хайртай нохой болох Hank "Vogue" сэтгүүлийн тусгай дижитал дугаар болох “Dogue”-ийн нүүр хуудсанд гарчээ.

Hank нь анх аврагдсан нохой байсан ч Rosé-гийн халамжинд орсноор одоо олон нийтийн сүлжээнд хамгийн олон дагагчтай нохойн нэг болжээ. Vogue сэтгүүлийн албан ёсны нийтлэлд түүний алдарт хүрсэн түүх, нэрнийх нь гарал, эзэнтэйгээ хамт өнгөрүүлдэг өдөр тутмын амьдралын тухай дэлгэрэнгүй өгүүлсэн байна.

Rosé өөрийн нохойг “гэр бүлийн салшгүй хэсэг, хамгийн үнэнч найз” гэж тодорхойлдог бөгөөд Hank-ийн энэхүү нүүр хуудсанд гарсан явдал нь зөвхөн фенүүдэд нь төдийгүй олон улсын хэвлэл мэдээлэлд ч анхаарал татаад байгаа юм. 

Dogue бол Vogue-ийн амьтдад зориулсан тусгай дижитал төсөл бөгөөд алдартнуудын хайртай тэжээвэр амьтдыг загварын ертөнцийн нэг хэсэг болгон онцолдог. Hank нь энэхүү нүүр хуудсанд гарсан анхны алдарт нохойнуудын нэгээр түүхэнд үлдэхээр болоод буй.