BLACKPINK хамтлагийн гишүүн ROSÉ энэ жилийн MTV Video Music Awards (VMA) 2025 наадамд найман төрөлд нэр дэвшсэнээр K-pop уран бүтээлчдээс хамгийн олон номинацад багтсан уран бүтээлчээр нэрлэгдлээ.

Тэрбээр Bruno Mars-тай хамтран дуулсан “Apt.” дуугаар дараах төрлүүдэд нэр дэвшжээ:

• Video of the Year

• Song of the Year

• Best Collaboration

• Best Pop

• Best K-Pop

• Best Direction

• Best Art Direction

• Best Visual Effects

Мөн ROSÉ-ийн бие даасан уран бүтээл болох “toxic till the end” дуу Best K‑Pop төрөлд нэр дэвшээд байна.

Ийнхүү ROSÉ нь K-pop-ийн түүхэнд хамгийн олон VMA нэр дэвшилтэй соло уран бүтээлч болж, дэлхийн хөгжмийн тайзнаа дахин нэг тэсрэлт хийлээ гэж хөгжмийн шүүмжлэгчид онцолж байна.

Энэ жилийн VMA наадам 2025 оны есдүгээр сарын 7-нд Нью-Йорк хотын UBS Arena-д зохион байгуулагдаж, MTV, CBS сувгуудаар болон Paramount+ платформоор шууд дамжуулагдана.

Энэ удаагийн шагнал гардуулах ёслолд Lady Gaga (12), Bruno Mars (11), Kendrick Lamar (10) зэрэг уран бүтээлчид өндөр нэр дэвшлээр шалгарсан бол ROSÉ болон Sabrina Carpenter нар тус бүр найман төрөлд нэр дэвшжээ.