БНСУ-ын алдарт к-поп хамтлаг “RIIZE”-ийн гишүүн асан Hong Seonghan буюу Xnghan өөрийн бие даасан уран бүтээлчийн замналынхаа эхний томоохон төслийг Монголд авсан зургуудаараа гаргажээ. Уг бүтээл нь түүний өнгөрсөн хавар Монгол Улсад аялсан дурсамжууд, байгаль, орон нутгийн хүмүүсийн хөрөг, хөдөө нутгийн эгэл амьдралыг харуулсан тун өвөрмөц сэтгэл хөдлөл агуулсан бүтээл болсон байна. 

Xnghan өөрийн цахим хуудсанд “Монгол бол миний хувьд сэтгэл зүйгээ цэгцэлж, шинэ зорилгынхоо эхлэл болсон газар. Байгаль нь уужим, хүмүүс нь амгалан. Би гэрэл зургаар дамжуулан энэ мэдрэмжийг хуваалцахыг хүссэн” хэмээн бичжээ.

Цомогт багтсан зургуудыг Монголын хангай нутгийн онгон байгаль, адуу малтай айлын аж амьдрал, үдийн нар, шөнийн оддоор чимсэн хээр тал, улаан тоос татуулан давхих морьтнуудын дүр зураг бүрдүүлж байгаа нь олон улсын цахим орчинд анхаарал татаад байгаа юм. 

Мөн түүний Монголд зураг авалтаа хийсэн дуу 'Waste No Time" юүтүб дээр хэдийн нэг сая хандалт аваад байна.