Тайванийн жүжигчин Барби Хсю (Barbie Hsu) энэ оны хоёрдугаар сард уушгины хатгалгааны улмаас таалал төгссөн билээ. Түүний нөхөр, Өмнөд Солонгосын DJ Koo (Ку Жун Ёп) нас барснаас нь хойш өдөр бүр бараг л оршуулгын газарт очиж, эхнэрийнхээ булшин дээр сууж харагддаг тухай мэдээлэл цахим орчинд түгжээ.

New Taipei хотын Чин Пао Сан оршуулгын газрын ажилчид болон зочилсон хүмүүс түүнийг бороо, нартай аль ч үед булшинд нь ирж суудаг гэж ярьсан байна. Олон нийт түүний энэ үйлдлийг хайр сэтгэлийн үнэнч жишээ хэмээн хүндэтгэж буй.

Албан ёсны тайлбар DJ Koo-ын зүгээс гараагүй ч, түүнийг өдөр бүр ирж буйг харсан иргэд сэтгэгдлээ олон нийтийн сүлжээнд хуваалцсаар байгаа юм.