Сөүл хотын захиргаа “BLACKPINK” хамтлагийн гишүүн JENNIE-г тус хотын аялал жуулчлалыг дэмжих төлөөлөгчөөр сонгосноо албан ёсоор мэдэгдлээ.

JENNIE нь дэлхий дахинд өндөр нэр хүндтэй уран бүтээлчдийн нэг бөгөөд түүний бүтээлч байдал, загварын мэдрэмж, залуусын дунд түгээмэл нөлөө нь Сөүл хотыг олон улсад сурталчлахад чухал хувь нэмэр оруулах хэмээн хотын зүгээс онцолжээ.

Тэрбээр Сөүлийн аялал жуулчлалын бодлого, кампанит ажлуудад оролцохоос гадна, гадаад дотоодын жуулчдад хандан хотын өнгө төрх, соёл, амьдралын хэв маягийг таниулах үүрэг хүлээх юм.

Сөүл хотын захиргаа “JENNIE бол Сөүлийг илтгэх хамгийн тохиромжтой төлөөлөгч” хэмээн тодорхойлж, уг хамтын ажиллагаагаа 2025 оны томоохон сурталчилгааны ажлуудаар эхлүүлэхээр төлөвлөж байна.