Өмнөд Солонгосын алдарт дуучин, продюсер G-Dragon (Квон Жийон) энэ оны АПЕК-ийн дээд хэмжээний уулзалтын хүндэт соёлын элчээр томилогдсон талаар Сөүлийн Гадаад хэргийн яамнаас мэдээлжээ.

АПЕК-ийн дээд хэмжээний уулзалт 2025 оны 11-р сард Сөүл хотод болох бөгөөд G-Dragon нь Солонгосын соёл, урлагийг олон улсад сурталчлах, залуучуудын оролцоог нэмэгдүүлэх, тогтвортой хөгжил, уур амьсгалын өөрчлөлтийн талаарх ойлголтыг түгээхэд хувь нэмэр оруулах юм байна.

G-Dragon “К-поп урлагийн бүтээлч хүчээр дамжуулан уур амьсгалын өөрчлөлт, залуучуудын оролцоо, энх тайвныг дэмжих ажилд хувь нэмэр оруулахдаа баяртай байна” хэмээн мэдэгдсэн байна.

АПЕК-ийн зүгээс түүнийг залуучуудад эерэг нөлөө үзүүлдэг дэлхийн алдарт уран бүтээлч, энх тайван, тогтвортой хөгжлийн санаачилгыг дэмжигч гэдгийг онцлон, тус уулзалтын үеэр олон улсын хөтөлбөрт оролцуулж, хүндэт үг хэлүүлэхээр төлөвлөж байгаа аж.