2025 оны Сөүлийн олон улсын драмын наадмаас “BLACKPINK” хамтлагийн дуучин, жүжигчин Jisoo “Азийн онцлох од” шагнал хүртжээ. Энэ удаагийн 20 дахь удаагийн наадамд Jisoo нийт саналын 38.28 хувийг авч, “Бүс нутгийн онцлох од” шагналын эзэн болсон нь түүний жүжигчин, уран бүтээлчийн хувьд олон улсын нэр хүндийг нь улам бататгасан үйл явдал болж байна.

Тэрбээр өмнө нь “Snowdrop” цувралаар олны талархлыг хүлээж байсан бол саяхан “Newtopia” цувралд тоглосноороо дахин олны анхаарлыг татаж, шүтэн бишрэгчдийнхээ дэмжлэгээр энэхүү шагналыг хүртжээ. Jisoo энэхүү шагналынхаа талаар “Үзэгч, фэнүүддээ талархаж байна. Уран бүтээлч, жүжигчний хувьд илүү сайн бүтээлээр уулзах болно” хэмээн сэтгэгдлээ илэрхийлжээ.