2025 оны 7-р сарын 8-нд Солонгосын алдарт жүжигчин Lee Si Young (43 настай) өөрийн инстаграм хуудсаараа дамжуулан хоёр дахь хүүхдээ тээж байгаа тухайгаа албан ёсоор мэдэгдлээ.

Тэрбээр 2025 оны 3-р сард 8 жил хамт амьдарсан нөхрөөсөө салсан ч 5 жилийн өмнө хийлгэсэн үр шилжүүлэн суулгах эмчилгээний үеэр хөлдөөн хадгалсан үр хөврөлөө устгахын оронд өөртөө суулгаж, жирэмсэн болох шийдвэр гаргасан гэдгээ хэлжээ.

Жүжигчин Lee Si Young:

“Экс нөхрийн зөвшөөрөлгүйгээр ийм шийдвэр гаргасан ч хариуцлагыг өөрөө үүрнэ. Хадгалуулсан байсан үр хөврөлөө устгаж чадсангүй.” хэмээн хуваалцсан байна.

Түүний экс нөхөр энэ шийдвэрийг анх зөвшөөрөөгүй ч хүүхдийн аавын хувьд хариуцлагаа үүрнэ гэж мэдэгдсэн байна.