Шанхайн хамтын ажиллагааны байгууллагын орнуудын 2025  кино наадам боллоо. 2025 оны долдугаар сарын 6-ны орой Хятадын Шанхайн хамтын ажиллагааны байгууллагын (ШХАБ) орнуудын кино наадам амжилттай өндөрлөв. Энэ удаагийн кино наадамд Хятад, Орос, Монгол, Казахстан зэрэг арван улсаас шалгарсан 20 кино өрсөлдөж, нийт арван шагналын эздийг тодруулжээ.

 Шилдэг киноны шагналыг Хятадын “Гурвагч баг” болон Оросын “Воздух” кино хүртсэн бол Монголын “Эцэг” киноны найруулагч С.Баттулга “Шилдэг найруулагч” шагналыг, “Шар гэгээ” уран сайхны кино “Шилдэг зураглаач”-ийн шагнал авсан байна. Түүнчлэн Тажикстаны “Үнэнийг эрэлхийлэгч”, Пакистаны “Наёб”, Ираны “Сүүлчийн халим загас” зэрэг кинонууд тусгай зөвлөлийн шагналыг хүртжээ.

Эх сурвалж: "Анд" студи.