Солонгосын алдарт жүжигчид болох Yoon Sun Woo, Kim Ga Eun нар гэрлэх гэж буйгаа албан ёсоор мэдэгдлээ.

Долоодугаар сарын 1-нд нэгэн хэвлэл мэдээллийн хэрэгсэл тэдний ирэх 10 дугаар сард хуримаа хийх тухай мэдээлсэн бөгөөд энэ мэдээг дараа нь агентлагаас нь баталсан юм.

Хосууд анх 2014 онд гарсан KBS2 телевизийн “Abiding Love Dandelion” олон ангит кинонд хамтран тоглох үедээ танилцжээ. Тухайн үед тэд найзуудын хувьд харилцаж эхэлсэн ч, удалгүй үерхэж 10 жилийн турш нэгнээ чимээгүй дэмжсээр өдийг хүрчээ.

Yoon Sun Woo нь 2003 онд EBS-ийн “Environmental Squadron Zentaforce” хэмээх хүүхдийн нэвтрүүлгээр анх олны өмнө гарч байсан. Түүний хувьд “Moon Lovers: Scarlet Heart Ryeo”, “Liver or Die”, “Stove League”, “The Third Marriage” зэрэг олон кинонд гол болон туслах дүр бүтээж байжээ.

Kim Ga Eun- хувьд 2009 онд уран бүтээлийн гараагаа эхэлсэн бөгөөд “Scent of a Woman”, “Because This Is My First Life”, “King the Land” зэрэг кинонд дүр бүтээсэн билээ