“Чингис хаан” одонт, Монгол Улсын Гавьяат жүжигчин, дуурийн дуучин Г.Ариунбаатар ирэх сард Орос, Франц, Италийн театруудад гоцолно.Тодруулбал, ирэх долooдугаар сарын 4-нд ОХУ-ын Санкт-Петербург хотын Мариинский театрт Ж.Вердийн “Эрнани” дуурьт, долдугаар сарын 20-нд Францын Оранж хотын эртний Ромын театрт Ж.Вердийн “Хувь заяаны хүч” дуурийн концерт хувилбарт, ирэх наймдугаар сарын 9, 11, 13-нд Францын Францын Санксэй хотын Галло Ромын театрт Ж.Вердийн “Набукко” дуурьт, ирэх аравдугаар сарын 10-нд Италийн “Teatro Regio di Parma” театрт “Gala Verdiano” тоглолтод урилгаар оролцож, гол дүрүүдэд тоглохоор товлогджээ.

Түүний хувьд өнгөрсөн дөрөвдүгээр сарын 25-27-нд Ж.Вердийн “Риголетто” дуурийн шинэ хувилбарыг Большой театрын аялан тоглолтын хүрээнд Санкт-Петербургт Мариинскийн тайзнаа толилуулсан юм.  Түүнчлэн өнгөрсөн жилийн сүүлийн улиралд л гэхэд “Марийнский” театраасаа гадна алдарт Большой театр, Франц улсын Гренобль хотын театр, Парис хотын филармони, Францын Лион хотын Дуурийн театрын тайзнаа урилгаар дуулжээ. Түүнчлэн тэрбээр өнгөрсөн тавдугаар сарын 30, зургаадугаар сарын 1-нд Испанийн Менорка хот дахь алдарт “Fundació Menorquina de l’Òpera” театрт Ж.Вердийн “Аида” дуурийн Амонасрогийн дүрд, зургаадугаар сарын 28-нд ОХУ-ын Москва хотын Их театрт (Большой театр) Ж.Вердийн “Аида” дуурьт дуулжээ.