Өмнөд Солонгосын алдарт к-поп хамтлаг болох NCT-ийн экс гишүүн Moon Tae-il (TAEIL) 2025 оны зургаадугаар сарын 18-нд болсон анхан шатны шүүх хурлын үеэр хүчингийн гэмт хэрэг үйлдсэнээ хүлээн зөвшөөрсөн талаар Сөүлийн Төв дүүргийн шүүх мэдээллээ.

Хэргийг сөхвөл, 2024 онд TAEIL болон хамт байсан хоёр хүн согтууруулах ундаа хэрэглэсэн байдалтай эмэгтэйг хүчирхийлсэн гэх үйлдэлд холбогдож, Прокурорын газраас 2025 оны эхээр эрүүгийн хэрэг үүсгэн ял тулгасан байна.

Шүүх хурал дээр TAEIL болон хам хэрэгтнүүд гэм буруугаа хүлээн зөвшөөрч, өршөөл хүссэн бичигт гарын үсэг зурсан нь тогтоогдсон бөгөөд прокурор талаас 7 жилийн хорих ял, 10 жилийн хөдөлмөр эрхлэх эрхийг хязгаарлах шийтгэл шаардаж буйг мэдээлжээ.

Цаашид уг хэргийн шүүх хурал 2025 оны 7-р сарын 10-нд үргэлжлэхээр товлогдоод байна.

TAEIL нь урлагийн карьерынхаа оргилд явж байх үедээ энэхүү хэрэгт холбогдсон бөгөөд энэхүү үйл явдал нь к-поп ертөнцөд уран бүтээлчдийн хариуцлага, ёс зүйн асуудлыг дахин сөхөж байна.