Холливудын алдарт жүжигчин Том Круз энэ онд Америкийн Кино Академийн нэр хүндтэй "Honorary Oscar" буюу насан туршийн шагнал хүртэх болсноор анх удаа Оскарын эзэн болж байна.

Шагнал гардуулах Governors Awards ёслол 2025 оны 11 дүгээр сарын 16-нд Лос-Анжелест зохион байгуулагдах бөгөөд Крузын кино урлагт оруулсан үнэтэй хувь нэмэр, тууштай байдал, кино театруудын дэлгэцэн дээр адал явдалт, чанартай бүтээлүүдийг хүргэснийг үнэлсэн гэж академи онцолсон байна.

Том Круз өмнө нь “Born on the Fourth of July”, “Jerry Maguire”, “Magnolia” зэрэг киногоор Оскарын шагналд дөрвөн удаа нэр дэвшсэн ч нэг ч удаа хожиж байгаагүй юм. Тиймээс энэ удаагийн шагнал нь түүний уран бүтээлийн амжилтыг олон жилийн дараа хүлээн зөвшөөрсөн чухал үйл явдал болж байна.

Түүнтэй хамт дуучин Долли Партон хүмүүнлэгийн үйлсийн “Jean Hersholt Humanitarian Award”, мөн уран бүтээлч Дебби Аллен, продакшны дизайнер Уинн Томас нар хүндэт Оскарын шагнал хүртэхээр болжээ.