YG Энтертэйнмэнт шинэ охидын хамтлагийн хоёр дахь гишүүнийг танилцуулжээ.

Өнгөрсөн сард YG Энтертайнментийн үүсгэн байгуулагч Ян Хён Сүг дөрвөн гишүүнтэй цоо шинэ охидын хамтлаг байгуулахаар төлөвлөж буйгаа зарлаж, уг төслийг одоогоор “NEXT MONSTER” нэрээр нэрлээд байгаа билээ.

Өчигдөр YG Энтертэйнмэнт албан ёсоор хамтлагийн хоёр дахь гишүүн болох Chanya-г танилцууллаа. Тэрбээр Тайланд гаралтай бөгөөд BLACKPINK-ийн Лисатай төстэй төрхтэй гэдгээр олны анхааралд өртжээ.

Гадаад төрх, бүжгийн чадвар нь онцгойд тооцогдож, ирээдүйн K-pop од болох магадлалтай хэмээн фенүүд харж байна. 14 настай Chanya Тайландаас гаралтай бөгөөд YG-д хоёр жил найман сар бэлтгэгдсэн. Тэрбээр тай, англи, солонгос хэлээр ярьдаг.

Энэ хамтлаг нийт дөрвөн гишүүнтэй байх төлөвтэй бөгөөд бусад гишүүд удахгүй ил болно.